TOHI POLOKALAMA NGĀUE FEPUELI

3 Feb 2021 by James Vaea in: What's on

TOHI POLOKALAMA NGĀUE 2021 KAVEINGA

2021

“MO‘UI FAKAFO‘OU ‘E HE LAUMĀLIE

MĀ‘ONI‘ONI.”

(‘Isikeli 11: 19 & Taitusi 3: 5)

SANUALI – SIUNE 2021

TALAMU‘A:

Ko ‘etau lea ‘i he ‘ahoˊni, “Ko e ‘Eiki pe”.Kuo tau fou mai ‘i he ngaahi ‘ahi‘ahi ‘o e mo‘uiˊni pea ko e ngaahi fou‘anga pe kuo pau ke tau fononga ai, ka ‘oku tau ma‘u ivi he ‘oku tau fononga mo e ‘Eiki.

 Kuo ‘i ai pe ‘a e ngaahi a‘usia kuo mafatukituki ki he ni‘ihi ka ko e fakamo‘oni ‘a e kakai tui, ko ‘etau lava‘i ‘a e faingata‘aˊ ‘oku ne ‘omai ‘a e kelesi ‘e lahiange, pea ‘oku tau ma‘u ivi ai ke tutui atu pe ki mu‘a he kuo tokonaki ‘e he ‘Otuaˊ ‘a e ngaahi me‘a ‘e fungani hake ma‘a kinautolu ‘e kataki ki he iku‘anga.

 Tau fakafeta‘i pe ko ‘etau kei hao mai mo hotau ngaahi fāmili, ngaahi fāmili ‘o e Siasiˊ pea mo e ngaahi feohi‘anga ‘oku tau kau ki ai. Nimasi ‘a e ngaahi faingamālie kotoa pe ki he feohiˊ pea faka-mahu‘inga‘i ‘a hotau ngaahi taimi mo e ‘Eikiˊ pea mo e taha kotoa pe.

 Kuo tau kamata ‘i he ta‘u mahu‘inga ko ‘eni pea mo e kaveinga, “MO‘UI FAKAFO‘OU ‘E HE LAUMĀLIE MĀ‘ONI‘ONI”. Ko ‘etau tali ia ki he ngaahi faingata‘a kotoa pe kuo tau fou mai ai pea ‘oku tau lolotonga fononga aiˊni. Kuo lahi ‘a e ngaahi liliu kuo hoko ki he anga ‘o ‘etau feohi, founga ‘etau ngāue pea pehē ki hono fai ‘o e Lotu. Ko e me‘a mahu‘inga ‘oku totonu ke tau fakatokanga ki ai, ko ‘etau fakamo‘oni, ‘oku ‘ikai mo ha toe liliu ‘e mahulu hake ka ko hotau fakafo‘ou ‘oku fai ‘e he laumālie ‘i he ‘aho kotoa pe. Ko e fakamo‘oni ia ‘a e Tohi ‘Isikeli, ‘a e fakafo‘ou ‘e Sihova ‘a e kakai ‘i hono ‘ai ki honau lotoˊ ‘a e Laumālie fo‘ou. Tatau mo ia ‘a e fakamanatu ‘a Paula kia Taitusi, “…ka ko e me‘a pe ‘i he ‘ene ‘alo‘ofa na‘aˊne fakamo‘ui kitautolu ‘i he palutu‘anga ‘o e fānau‘ifo‘ou, pea mo e fakafo‘ou ‘e he Laumālie Mā‘oni‘oni.” Tuku ha faingamālie ke fai ai ‘e he Laumālie Mā‘oni‘oni ‘a hotau fakafo‘ou.

 Tau fononga loto lahi mo ta‘e teteki ai ‘i he ta‘u mahu‘inga ko ‘eni. Manatu‘i ke tau nofo ki he‘ene Folofola, fa‘a lotu pea ‘oua ‘e tukuange ‘a e fa‘a feohi mo e kakai tui kotoa pe.

 Fakatokanga‘i ‘a e ngaahi faka-mamafa ‘o e ngaahi Fa‘ahita‘u Faka-Kalisitiane´ pea ke fakakau ia ‘i he‘etau ngaahi polokalama mo e ouau lotu ‘o e ngaahi uike´ mo e mahina ‘oku tō ai ‘a e faka-mamafa´ foki. Ngāue‘aki ‘a e ngaahi Kaveinga lotu faka-uike kuo tuku atu´ pea mo hono ngaahi huluhulu foki.

 Fakatauange ke tokoni mai ‘a e Laumālie´ ‘o fai hotau faka-ivia ki hono talaki ‘a e ongoongo lelei ‘o e ‘Eiki. ‘Oua foki na‘a tuku ‘a ‘etau felotu‘aki pea manatua ke hūfia si‘i kau faingata‘a‘ia´ mo kinautolu kotoa pe ‘oku nau faka‘amua ‘etau lotu.

 ‘Ofa mo e Lotu atu.

Valamotu Palu       Moala Mānoa        Mosese Taufa         ‘Alimoni Taumoepeau

NGAAHI KAVEINGA LOTU MO E NGAAHI FOLOFOLA.

  1. MĀHINA
  2. SANUALI – “KE MOU MA‘U LAUMĀLIE MĀ‘ONI‘ONI.”

(Ngāue 19:6)

a). 06 – Epiphany of the Lord/ ‘Epifani

b). 10 – Baptism of Jesus/Papitaiso

  1. FEPUELI – “KE KAUKAUA ‘ETAU TUI KI HE ‘OTUA.”

(Loma 4: 20 - 21)

a). 14 – Transfiguration/Hā fakakehe

b). 17 – Ash Wednesday/Pulelulu Faka-efuefu

c). 21 – 21 March – Lent/ Fa‘ahita‘u Leniti

III.      MA‘ASI – “KO E HĀ‘ELE ‘A E TU‘I MO‘UI FAKA- SEVANITI.”            

(Ma‘ake 11: 7-9) 

a). 25  - Annunciation of the Lord

b). 28 – Passion & Palms / Pasione mo e Paame

  1. ‘EPELELI – “KO E ‘EIKI IA ‘O E MO‘UI ‘O ‘IKAI ‘O E MATE.”

                                     (Luke 24: 4-6)

a). 29 Ma‘asi – 01 ‘Epeleli - Holy week/Uike Tapu

b). 01 – Maundy Thursday/Tu‘apulelulu ‘o e fakafo‘ou.

c). 02 – Good Friday / Falaite Lelei

d). 03 – Holy Saturday / Tokonaki Tapu

e). 04  - Easter Sunday/ Sāpate Toetu‘u

  1. MĒ – “KO HOTAU TOKONI OFI KO E LAUMĀLIE MĀ‘ONI‘ONI”

(Loma 8: 26 – 27)

a). 13 – Ascension / Hā‘ele Hake

b). 23 – Day of Pentecost / ‘Aho Penitekosi

c). 30 Trinity Sunday / Sapate Tolu Taha‘i ‘Otua

  1. SIUNE – “ FAKAVAIVAI‘I KIMOUTOLU ‘I HE ‘AO ‘O E ‘EIKI”

(Ma‘ake 5: 22 – 24).

 b). 22 - UCA Anniversary / Faka-manatu Siasi Faka-tahataha

 

FEPUELI: “KE KAUKAUA ‘ETAU TUI KI HE ‘OTUA.” (Loma 4: 20 – 21)

 

UIKE 1. ‘OKU FAKAFO‘OU ‘E SIHOVA ‘A E NGŪ(MALOHI) ‘O HA‘A MATATALI

KIATE IA.” ( ‘Aisea 40: 31)

 

Kaveinga Lotu ‘Aho Ngofua:

“Ke tau lotua mu‘a ‘a e fakapuepue(lova) ‘oku tau fai, koe‘uhi ke ‘oua na‘a tau fo‘i vave ka ke tau fakama‘uma‘u koe‘uhi ke tau ma‘u ‘a e pale kuo ‘osi toka teu ma‘a kitautolu.”

 

Lesoni Huluhulu:                       1Kolinito 9: 24 - 27.

 

Monite 01 – ‘Aisea 40: 21 – 31*          -Ko e ‘Otua ‘e ‘ikai lava ke fakatataua.

Tusite 02 – Ma‘ake 1: 29 – 39*            -Fai fakamo‘ui mo malanga ‘a Sīsū ‘i Kaleli.

Pulelulu 03 – 1Kolinito 9: 1 -15          -Ngaahi totonu mo e fatongia faka-‘Aposetolo.

Tu‘apulelulu 04 –1Kolinito 9:16-23* -Fakamo‘oni ‘a Paula ki he founga ‘ene ngāue.

Falaite 05 – 1Kolinito 9: 24-27            -Ko e mahu‘inga ‘o e kau ki he fakapuepue.

Tokonaki 06 – 1Timote 6: 3-11           -Akonaki hala mo e koloa‘ia mo‘oni.

 

Sāpate 07. Lanu Mata / ‘Epifani 5

            Saame 147: 1-11,20        -Fakalangilangi‘i ‘o e ‘Otua Mafimafi.

            ‘Aisea 40: 21 - 31              -Ko e ‘Otua ‘e ‘ikai lava ke fakatataua.

            1Kolinito 9: 16 - 23          -Fakamo‘oni ‘a Paula ki he founga ‘ene ngāue.

            Ma‘ake 1:29 - 39               -Fai fakamo‘ui mo malanga ‘a Sīsū ‘i Kaleli.

 

UIKE 2. “MOU FAKAONGO KI HE ‘ALO PELE” (Ma‘ake 9:7).

 

Kaveinga Lotu ‘Aho Ngofua:

“Ke tau lotua, ke tau ma‘u hā loto falala, tu‘unga ‘ia Kalaisi, ‘i he‘etau feangai mo e ‘Otua. Pehe foki ke tau ‘ilo na‘a ne ngaohi kitautolu ke tau fe‘unga mo e lakanga ‘oku tau ma‘u, pea ke tau hoko ko e kau talafekau ‘o e Fuakava Fo‘ou.”

Lesoni Huluhulu:                       2 Kolinito 3: 4 - 6 .

 

Monite 08 – 1 Tu‘i 19: 9 – 18               -Fakafoki ‘e Sihova ‘a ‘Ilaisia ke fai ‘ene ngāue.

Tusite 09 – 2 Tu‘i 2: 1 – 12*                 -Ko e ‘ave ‘o ‘Ilaisia ki Langi.

Pulelulu 10 – Ma‘ake 9: 2- 9*               -Ko e Hā Fakakehe mo e Langilangi ‘o Sīsū.

Tu‘apulelulu 11– Taniela 7: 9 - 14     -Visone ki he mo‘ui ‘a Talumeimu‘a.

Falaite 12 – 2 Kolinito 3: 1 - 6              -Aleapau fo‘ou ‘a e ‘Otua.

Tokonaki 13 – 2 Kolinito 4: 3 – 6*      -Ko e koloa ‘i he Ipu ‘Umea.

 

Sāpate 14. – Lanu Hinehina / Ha Faka-kehe

            Saame 50: 1 -6                   -Ko e Talanoa ‘o e ‘Otua.

            2 Tu‘i 2: 1 – 12                   -Ko e ‘ave ‘o ‘Ilaisia ki Langi.

            2 Kolinito 4: 3- 6               -Ko e koloa ‘i he Ipu ‘Umea.

            Ma‘ake 9: 2 - 9                   -Ko e Hā Fakakehe mo e Langilangi ‘o Sīsū.

 

UIKE 3. “KE TAU FAI ‘A E ME‘A KE TAAU MO E SEVANITI ‘A E ‘OTUA.”

(2 Kolinito 5: 3 & 4)

 

Kaveinga Lotu ‘Aho Ngofua:

“Ke tau veteange ‘a e ngaahi ha‘i ‘oku hala hono ‘ai ‘i he‘etau mo‘ui, pea ke tau fakatonutonu mo fakafo‘ou hotau vā mo e ‘Otua.”

 

Lesoni Huluhulu:                       ‘Aisea 58: 6 -8.

 

**Ko kimoutolu ‘oku lotu Pulelulu, mou fakatokanga‘i ko e Pulelulu Fakaefuefu ‘a e ‘aho 17 pea mo hono Folofola Sioeli 2: 1 – 2 , 12 – 17.

 

Monite 15 – Senesi 9: 8 – 17*               -Ko e Kovinanite ‘a Sihova mo Noa.

Tusite 16– Saame 25: 1 – 10*              -Lotu ki he fakahinohino mo e fakahaofi.

Pulelulu 17 –Sioeli 2: 1-2, 12-17(fakaefuefu)-‘Aho ‘o e ‘Otua pea mo e uki ke Fakatomala.

Tu‘apulelulu 18 – Aisea 58: 1 - 12      -Ko e ‘Aukai mo‘oni.

Falaite 19–2 Kolinito 5:20b-6:10-Kau Fakamo‘oni ‘o Kalaisi, hounga‘ia he ‘Ofa ‘a e ‘Otua.

Tokonaki 20 – 1 Pita 3: 18-22*           -Ko Kalaisi haohaoa ma‘a māmāni angahala‘ia.

 

Sāpate 21. – Lanu Hinehina / Leniti 1

            Saame 25: 1-10                 -Lotu ki he Fakahinohino mo e fakahaofi.

            Senesi 9: 8 - 17                  -Ko e Kovinanite ‘a Sihova mo Noa.

            1Pita 3: 18 - 22                  -Ko Kalaisi Haohaoa ma‘a māmāni angahala‘ia.

            Ma‘ake 1: 9 - 15                 -Papitaiso, ‘Ahi‘ahi‘i mo e ngāue ‘a Sīsū.

 

UIKE 4. “‘OKU TAUHI ‘E HE ‘OTUA ‘ENE NGAAHI PALOMESI.”

(Senesi 17: 1 – 3, 7; 18: 13 - 15.)

 

Kaveinga Lotu ‘Aho Ngofua:

“Ke tau fakafeta‘i hē ‘oku ‘ikai ke ngalo kitautolu ‘ia Sihova. ‘Io, tau foki kiate Ia hē ‘oku ne tamate‘i ‘etau ngaahi angahala pea kuo ne huhu‘i kitautolu.”

 

Lesoni Huluhulu:                       ‘Aisea 44: 21 & 22.

 

Monite 22 – Saame 105: 1 -11             -Ko e ‘Otua pea mo hono kakai.

Tusite 23– ‘Aisea 44: 21 – 28               -Ko e ‘Otua ko e Fakatupu mo Fakamo‘ui.

Pulelulu 24 – Senesi 17: 1 - 16            -Liliu hingoa ‘Epalahame & faka‘ilonga fuakava.

Tu‘apulelulu 25 – Senesi 28: 10 - 17  -Misi ‘a Sekope, fakamo‘oni ‘oku ‘afio ‘ai ‘a e ‘Otua.

Falaite 26 – Ma‘ake 8: 31 – 38*           -Fakahā ‘e Sīsū ‘ene Pekia mo e Toetu‘u.

Tokonaki 27 – Loma 4: 13 – 25*         -A‘usia ‘o e Tala‘ofa ‘a e ‘Otua fou ‘i he tui.

 

Sāpate 28. lanu Purple / Leniti 2

            Saame 22:23-31                -Tangi ‘o e faingata‘a‘ia mo e hiva ‘o e fakafeta‘i.

            Senesi 17: 1-7,15-16       -Liliu hingoa Epalahame & faka‘ilonga fuakava.

            Loma 4: 13 - 25                 -A‘usia ‘o e Tala‘ofa ‘a e ‘Otua fou ‘i he tui.

            Ma‘ake 8: 31 - 38              -Fakahā ‘e Sīsū ‘ene Pekia mo e Toetu‘u.